Ynne ka sngi u montri rangbah ka jylla, u Conrad Sangma chirup wa u DHS (MI) wa kiwi kiwi da lai pait u ya i kreh ya ki Oxygen Plant ha ki ar tylli ki thaw sumaar ha nongbah Shillong.
Ha i step da lai pait u ya i kreh ha ka 400 LPM Oxygen Plant ha Ganesh Das Hospital ya kawa daw sdang krehkaam noh ha ki 24 kynta wow wan.
Kani ka Plant daw ye ko u pyndap ya ki 40 pyllong da ka High Flow Oxygen wei daw ye u pynku leh ya ka cha ka 100 pyllong.
U Conrad da pyntip u leh wa ya ki pyllong ha kani ka thaw daw ye u pynboon ya ka wei da lai pait u leh ya kani ka thaw sumaar.
Ha kani ka jooh ka sngi da lai pait u leh ya ka 300 LPM Oxygen Plant ha R P Chest Hospital ka wow sdang kreh noh ha ki 48 kynta wow wan.
Ya kani ka Plant da chna nei yoh yarap poisa na ka PM CARES Fund wei ye ko u pyndap High Flow Oxygen ya ki 30 tylli ki pyllong heiwa da kular u leh ya kiwa kreh wa daw yaleh katwa ye wow pyntikna wa kini ki kor daw man ki kiwa krehkaam noh.
Neiliang u Conrad da e khublei u ya kiwa kreh ha kini ki ar tylli ki thaw sumaar wa kiwi kiwa ha i chait i khiah ha waroh kawi ka jylla nadooh ki Doctor, ki Nurse wa kiwi kiwi kiwa da kreh khlem sangeh wow e i chakri ya ki paidbah.
Da yachem u leh wa ki ASHA wa ki wakreh kam ki Anganwadi wa u waheh chnong ka Jhalupara hei lai u cha RP Chest Hospital ynne ka sngi
