Kiwa dang yoh COVID-19 ha kini ki 24 kynta ha India da man ki iwa duna dooh hadien wa jan dap 5 bnai wei da em ki hapoh 27,000 ngut (26,567) i sien nyngkong dooh nadooh ka 10-07-20 kiwa em 26,506 ngut kiwa yoh.
Kiwa dang chait da em ki 39,045 ngut, kiwa dang yap da em ki 385 ngut iwa mut wa kiwa dang em ya uni u khñiang da duna ki da 12,863 ngut. Ini i boon kiwa da chait leh da pynhiar ko ya kiwa dang em ya uni u khñiang wow hiar ki hapoh 4% kiwa da em 3.96%.
76% na kiwa dang chait da em ki ha ki 10 tylli ki jylla kiwa boon dooh ha Maharashtra 7,345 ngut, Kerala 4,705 ngut, Delhi 3,818 ngut, Rajasthan 2,664 ngut, West Bengal 2,231 ngut, Haryana 2,140 ngut, Uttar Pradesh 1,861 ngut, Chhattisgarh 1,861 ngut, Karnataka 1,601 ngut wa ha Gujarat 1,568 ngut.
72% kiwa dang yoh da em ki ha ki 10 tylli ki jylla kiwa boon dooh ha Kerala 3,272 ngut, Maharashtra 3,075 ngut, West Bengal 2,214 ngut, Rajasthan 1,927 ngut, Delhi 1,674 ngut, Uttar Pradesh 1,453 ngut, Madhya Pradesh 1,452 ngut, Chhattisgarh 1,423 ngut, Haryana 1,392 ngut wa ha Gujarat 1,380 ngut.
Kiwa chait da poi ki 94.59% iwa ku naka 94.45% kiwa em 91,78,946 ngut; kiwa dang em ya uni u khñiang da em ki 3.96% kiwa hiar naka 4.10% kiwa em 3,83,866 ngut; 1.45% kiwa yap kiwa em 1,40,958 ngut, deilang waroh da em 97,03,770 ngut kiwa da dep yoh ya uni u khñiang hapoh ka ri.
Kiwa chait da tam ki da 87,95,080 ngut ya kiwa dang em ya uni u khñiang iwa ku da 51,908 ngut nadooh ynnin ka sngi.
