15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: Haka sien nyngkong duna kiwa dang chah ktah ha India, ku kiwa chait cha 67.19%

Advertisement ad1
Advertisement ad1

Ha kini ki 24 kynta hadooh ynne i step ka 5 tarik, kiwa chah ktah ha u COVID-19 da em ki 52,509 ngut heiwa ynne da man ko leh ka sien wa nyngkong wa kiwa dang em ya uni u khñiang da hiar ki hawa nujor wa ynnin ka sngi, katkam ka yukheiñ ka Ministry of Health & Family Welfare.

Na ki 52,509 ngut, kiwa chait da em ki 51,706 ngut, kiwa yap da em sa 857 ngut katwa kiwa dang em ya uni u khñiang da hiar ki da 54 ngut iwa man leh i sien wa nyngkong wa duna ki. Kiwa dang chait leh man ki kiwa boon dooh hadooh ynne ka sngi.

Ki jylla wa em boon dooh kiwa chait toh ha Maharashtra 12,326 ngut, Andhra Pradesh 6953 ngut, Karnataka 6772 ngut, Tamil Nadu 6501 ngut wa ha West Bengal 2066 ngut.

Ha kini ki 24 kynta da em leh 28 tylli ki jylla wa da boon kiwa chait bar ya kiwa dang yoh ya uni u khñiang.

Kiwa dang chait da em ki 67.19% iwa ku naka 66.31% kiwa em waroh 12,82,215 ngut, kiwa dang em ya uni u khñiang da em ki 30.72% kiwa hiar naka 32.59% kiwa em 586,244 ngut wa 2.09% kiwa yap kiwa em 39,795 ngut. Waroh da em 19,08,254 ngut kiwa da dep yoh COVID-19 hapoh ka ri.

Kiwa chait da tam ki da 6,95,971 ngut ya kiwa dang em ya uni u khñiang iwa ku da 51760 ngut nadooh ynnin ka sngi.

Share this:
Previous

20 ngut kiwa dang yoh COVID-19 ha Meghalaya wa 8 ngut kiwa chait

Next

Sñiawkhia u Modi yeiwa jia ha Lebanon ynnin ka sngi