Kiwa dang yoh COVID-19 ha India da hiar ki hapoh 1.20 lak ngut ynne ka sngi deiwa pteiñ u duna kiwa dang yoh wei boon da kiwa chait heiwa kiwa dang yoh ha kini ki 24 kynta da em ki 8,488 ngut iwa duna dooh hadien 538 sngi.
Kiwa dang chait ha kini ki 24 kynta da em ki 12,510 ngut wa 249 ngut kiwa yap iwa mut wa kiwa dang chah ktah da hiar ki da 4271 ngut.
Kiwa dang chah ktah da em ki 1,18,443 ngut iwa duna dooh hadien 534 sngi iwa man 0.34%, kiwa da chait da em ki 3,39,34,547 ngut iwa man 98.31% wa 4,65,911 ngut kiwa yap iwa man 1.35%. Deilang dapoi 3,45,18,901 ngut kiwa da dep yoh ya uni u khñiang hapoh ka ri.
Heiyatoh wa i e tika, da dep wow e la 1,16,87,28,385 sien heiwa ynnin ka sngi da e 32,99,337 sien.
Ynnin ka sngi da leh 7,83,567 tylli ki Test heiwa kiwa chah ktah da em ki 1.08% kawa tip leh kam ka Positivity Rate kawa da neh hapoh 2% la 49 sngi.
