Kiwa dang chah ktah ha u COVID-19 ha India hadien 547 sngi da em ki hapoh 1 lak ngut wei ini toh hadien wada pteiñ u duna kiwa dang yoh wei boon da kiwa chait la kamwa chi bnai kattu heiwa kiwa dang yoh da neh ki hapoh 12,000 ngut la kamwa chi bnai.
Kiwa dang yoh ha kini ki 24 kynta da em ki 8,954 ngut, kiwa dang chait da em ki 10,207 ngut wa 267 ngut kiwa yap iwa mut wa kiwa dang em ya uni u khñiang da hiar ki da 1520 ngut.
Kiwa dang chah ktah kiwa boon dooh toh kiwa em ha ka Kerala 45,138 ngut, Maharashtra 11,525 ngut, Tamil Nadu 8291 ngut wa ha West Bengal 7733 ngut.
Ynnin da leh 11,08,467 tylli ki Test heiwa kiwa chah ktah da em ki 0.81% kawa tip leh kam ka Positivity Rate kawa da neh hapoh 2% la 58 sngi.
Heiyatoh wa i e tika hapoh ka ri, da dep wow e la 1,24,10,86,850 sien heiwa ynnin ka sngi da e 80,98,716 sien.
Waroh kiwa dang chah ktah da em ki 99,023 ngut iwa man 0.29%, kiwa da chait da em ki 3,40,28,506 ngut iwa man 98.35%, kiwa yap 4,69,247 ngut iwa man 1.36%. Deilang dapoi 3,45,96,776 ngut kiwa da dep yoh ya uni u khñiang hapoh ka ri.
