Nadooh 20 tarik uni u bnai kiwa yoh COVID-19 ha India da em ki hapoh 2000 ngut heiwa kiwa chait leh da pteiñ ki wow tam ya kiwa dang yoh iwa da pynman ya kiwa dang chah ktah wow em ki hapoh 15,000 ngut hadien 707 sngi.
Kiwa dang yoh ha kini ki 24 kynta da em ki 1,233 ngut, kiwa chait 1,876 ngut, kiwa yap 31 ngut iwa mut wa kiwa dang chah ktah da hiar ki da 674 ngut.
Ki jylla wa boon dooh kiwa dang chah ktah toh ha Kerala (4387), Karnataka (1698) Assam (1356) wa ha Mizoram (1101) katwa kiwi ki jylla da em ki hapoh 1000 ngut.
Ynnin ka sngi da leh 6,24,022 tylli ki Test heiwa kiwa chah ktah da em ki 0.20% kawa tip leh kam ka Positivity Rate.
Waroh kiwa dang chah ktah da em ki 14,704 ngut iwa mut 0.03%, kiwa chait 4,24,87,410 ngut kiwa da em 98.75%, kiwa yap 5,21,101 ngut kiwa em 1.21%.
Heiyatoh wa i e tika hapoh ka ri da dep wow e la 1,83,82,41,743 sien heiwa ynnin ka sngi da e 26,34,080 sien.
