Hadien 9 sngi wa neh kiwa dang yoh COVID-19 hapoh 20,000 ngut ha India, da poi sa cha uwi u moomær ha ka yaleh thma pyrchah ya ka khlam heiwa kiwa dang chah ktah da hiar ki hapoh 2 lak ngut deiwa em 1.95 lak ngut iwa duna dooh hadien 220 sngi.
Kiwa dang yoh ha kini ki 24 kynta da em ki 14,146 ngut iwa duna dooh hadien 229 sngi, kiwa dang chait da em ki 19,788 ngut, kiwa dang yap 144 ngut iwa mut wa kiwa dang em ya uni u khñiang da hiar ki da 5,786 ngut.
Ynnin ka sngi da em du 5 tylli ki jylla wa boon da kiwa dang yoh ya kiwa chait, heiwa ha Assam da tam da kiwa dang yoh 24 ngut, Nagaland 8 ngut, Ladakh 4 ngut, Rajasthan 4 ngut wa ha Gujarat 1.
Ki jylla wa boon dooh kiwa dang chah ktah toh ha Kerala (91,478), Maharashtra (33,224), Tamil Nadu (15,022), Mizoram (12,776), Karnataka (9,537), West Bengal (7,445), Andhra Pradesh (6,193), Odisha (4,610), Telangana (3,979) wa ha Assam (3,482).
Ki jylla wa duna dooh wa em kiwa dang chah ktah toh ha Lakshadweep (00), Dadra and Nagar Haveli and Daman and Diu (03), Andaman & Nicobar Islands (09), Chandigarh (28), Rajasthan (44), Bihar (44), Ladakh (46), Madhya Pradesh (96), Tripura (100), Haryana (114), Jharkhand (123), Uttar Pradesh (129), Arunachal Pradesh (170), Uttarakhand (177), Chhattisgarh (181), Sikkim (182), Gujarat (213), Punjab (219), Nagaland (236), Delhi (326), Puducherry (598) wa ha Goa (610).
Ynnin ka sngi da leh 11,00,123 tylli ki Test heiwa kiwa chah ktah da em ki 1.29% kawa tip leh kam ka Positivity Rate kawa da neh hapoh 3% la 48 sngi.
Heiyatoh wa i e tika hapoh ka ri, da dep wow e la 97,65,89,540 sien heiwa ynnin ka sngi da e 41,20,772 sien.
Waroh kiwa da chait da em ki 98.10% kiwa em 3,34,19,749 ngut, kiwa dang chah ktah da em ki 0.57% kiwa em 1,95,846 ngut, kiwa yap 1.33% kiwa em 4,52,124 ngut, deilang dapoi 3,40,67,719 ngut kiwa da dep yoh ya uni u khñiang hapoh ka ri.