Nadooh ka 7 tarik uni u bnai, kiwa yoh COVID-19 ha India da neh ki hapoh 5000 ngut kamjooh kiwa chait leh da pteiñ ki wow boon ya kiwa dang yoh iwa da pynman ya kiwa dang chah ktah wow hiar ki hapoh 25,000 ngut ynne ka sngi.
Kiwa dang yoh ha kini ki 24 kynta da em ki 1,581 ngut, kiwa chait 2,741 ngut, kiwa yap 33 ngut iwa mut wa kiwa dang chah ktah da hiar ki da 1,193 ngut.
Ki jylla wa boon dooh kiwa dang chah ktah toh ha Kerala (6250), Maharashtra (5277), Mizoram (1649) wa ha Assam (1365) katwa ki jylla duna dooh kiwa dang chah ktah toh ha Lakshadweep (00), Tripura (00), Andaman and Nicobar Islands (01) wa ha Dadra and Nagar Haveli and Daman and Diu (01).
Waroh kiwa dang chah ktah da em ki 23,913 ngut kiwa em 0.06%, kiwa da chait 4,24,70,515 ngut iwa mut 98.74%, kiwa yap 5,16,543 ngut iwa mut 1.20%.
Ynnin ka sngi da leh 5,68,471 tylli ki Test heiwa kiwa chah ktah da em ki 0.28% kawa tip leh kam ka Positivity Rate.
Heiyatoh wa i e tika hapoh ka ri, da dep wow e la 1,81,56,01,944 sien heiwa ynnin ka sngi da e 30,58,879 sien.
