theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Kular u James wym pyndam ya ka Shillong Medical College

Advertisement ad1

Hadien wa da mih khubor wa da dooh noh ka Kali Pradip Choudhuri (KPC) Group kawa na Kolkata wow chna ya ka Shillong Medical College, ki dkhot ka Khasi Students’ Union (KSU) da lai yachem ki wa u Montri ka chnat i chait i khiah, u James Sangma yow paan pynche hajrong i chna ya kani ka Medical College.

Neiliang u Montri da kular u wa ya kani ka College ym pyndooh pyndam la kammon kammon leh. Da pyntip u leh wa i chna ya ka College da sahteiñ i nadooh ki snem kiwa nachwa na kiwa boon ki daw wym ye u kiar.

Da ong u leh wa i pynbait wa ka KPC ym ye i wow poi cheiwon cheiwon leh, wei na ini i daw ka sorkar ym yohsa ko wow pyndam noh ya ka soskular wa da ya soi wa kani ka Company nadooh nachwa. Chooh chooh u Montri da pyntip u wa ka sorkar daw khut paidbah biang ko ya ki Company wow chna noh ya katai ka Shillong Medical College.

Kani ka Shillong Medical College toh nyngkong da pynskem wow chna ha u snem 2017 ha Reid Chest TB Hospital ha Mawprem heiwa ka seiñ da kylli ko nadooh itu i por yei jied ya ka KPC neibhah kani ka Company toh kawa da em dak wa sih chwa na kiwa boon kiwi ki thaw.

Hadien ini ya kani ka College da rah noh na Mawprem cha Umsawli neidaw wa khian ware i thaw ha Mawprem wei ym yahaap katkam ki kyndon ka Medical Council of India. Hajrong ini, u James da ong u wa i thaw ha Umsawli toh iwa em du 17 Acre wei man ko iwa dang khian palat wei daw chong ya syllok wa kiwi ki Montri sorkar lada ye u rah noh cha kawi ka thaw kam ha Mawpdang kawa em hapoh ka New Shillong Township.

Share this:
Previous

COVID-19: Hiar kiwa dang chah ktah hapoh 25,000 ngut ha India

Next

Du ar ngut kiwa dang yoh COVID-19 ha Meghalaya