Kiwa dang chah ktah ha u COVID-19 ha Meghalaya da hiar ki hapoh 5 lak ngut hadien 97 sngi deiwa pteiñ u boon da kiwa chait la 51 sngi wei kiwa dang yoh leh da neh ki hapoh 50,000 ngut la 6 sngi khlem sangeh.
Kiwa dang yoh ha kini ki 24 kynta da em ki 44,111 ngut, kiwa dang chait da em ki 57,477 ngut, kiwa dang yap da em ki 738 ngut iwa mut wa kiwa dang em ya uni u khñiang da hiar ki da 14,104 ngut.
Ha kini ki 24 kynta da em leh 6 tylli ki jylla wa boon da kiwa dang yoh ya kiwa chait kiwa kynthup ya ka Arunachal Pradesh wa boon da kiwa dang yoh 181 ngut, Kerala 1706 ngut, Maharashtra 212 ngut, Manipur 40 ngut, Meghalaya 115 ngut wa ha Tripura 42 ngut.
Ki jylla wa boon dooh kiwa dang chah ktah toh ka Maharashtra (1,20,079), Kerala (1,04,229), Karnataka (53,894), Andhra Pradesh (37,323), Tamil Nadu (36,707), Odisha (27,738), Assam (25,261) West Bengal (19,729) wa ha Telangana (12,726).
Ynnin ka sngi da leh 18,76,036 tylli ki Test heiwa kiwa chah ktah da em ki 2.35% kawa tip leh kam ka Positivity Rate kawa da neh hapoh 5% la 26 sngi.
Heiyatoh wa i e tika hapoh ka ri, da dep wow e la 34,46,11,291 sien heiwa ynnin ka sngi da e 43,99,298 sien.
Waroh kiwa da chait da em ki 97.06% kiwa em 2,96,05,779 ngut, kiwa dang chah ktah da em ki 1.62% kiwa em 4,95,533 ngut, kiwa yap 1.31% kiwa em 4,01,050 ngut, deilang dapoi 3,05,02,362 ngut kiwa da dep yoh ya COVID-19 hapoh ka ri.
