Ka Ministry of Youth Affairs & Sports ka sorkar pyrdi da rai ko wow tipmit (Recognition) noh ya ka WAKO India Kickboxing Federation kam ka National Sports Federation (NSF) wow pynku ya ka jait yalehke Kickboxing hapoh India.
Ka WAKO India Kickboxing Federation toh kawa pynyabi (Affiliated) wa ka World Association of Kickboxing Organizations (WAKO), kawa man ka International Federation heiyatoh wa ka yalehke Kickboxing.
Neiliang ka International Olympic Committee (IOC) Executive Board ha ka yalang wa da man ha ka 10 Naiynru 2021 da pdiang ko yei tyrwa ka WAKO wow man ko kam ka dkhot ki jait yalehke hapoh ka thup Olympic.
Ka WAKO da tipmit ya ka kam ka dkhot wa chipor ka IOC nadooh 30 Khonchonglad (November) 2018 wei u tipmit pura hiwot ya ka toh da ka IOC Session ka wow man ha Tokyo, Japan ha uni u bnai.
Ka Ministry da kyrmen skem ko wa dei tipmit ya ka WAKO India Kickboxing Federation kam ka NSF, i jait yalehke Kickboxing leh daw ku bha i ha ka ri.
