La chitayaw kattu kiwa dang yoh COVID-19 ha India da em ki hapoh 50 hajar ngut man-ka-sngi heiwa ha kini ki 24 kynta kiwa dang yoh da em ki 46,963 ngut, kiwa dang chait da em ki 58,684 ngut, kiwa dang yap da em ki 470 ngut iwa mut wa kiwa dang em ya uni u khñiang da duna ki da 12,191 ngut katkam ka yukheiñ ka Ministry of Health & Family Welfare.
I pteiñ hi wow boon kiwa chait ya kiwa dang yoh da pynduna ko ya kiwa dang em ya uni u khñiang kiwa da hiar hapoh 7% ynne ka sngi iwa pynku leh yei boon kiwa da chait ya kiwa chah ktah da 69 lak tam.
Kiwa dang chait kiwa boon dooh ha kini ki 24 kynta toh ha Karnataka 7,468 ngut, Kerala 7,330 ngut, ha Maharashtra 7,303 ngut, Delhi 4,665 ngut, West Bengal 4,049 ngut, Tamil Nadu 3,848 ngut wa ha Andhra Pradesh 3,708 ngut.
Ha kini ki 24 kynta da em leh 27 tylli ki jylla kiwa boon da kiwa chait ya kiwa dang yoh kiwa boon dooh ha Karnataka 4,482 ngut, Maharashtra 1,829 ngut, Tamil Nadu 1,368 ngut, Assam 1,054 ngut wa ha Andhra Pradesh 939 ngut.
Waroh kiwa da chait hapoh ka ri da em ki 91.54% iwa ku naka 91.34% kiwa em 74,91,513 ngut; kiwa dang em ya uni u khñiang da em ki 6.97% iwa hiar naka 7.16% kiwa em 5,70,458 ngut; wa 1.49% kiwa yap kiwa em 1,22,111 ngut. Waroh kiwa da dep yoh ya uni u khñiang da em ki 81,84,082 ngut.
Kiwa chait da tam ki da 69,21,055 ngut ya kiwa dang em ya uni u khñiang iwa ku da 70,875 ngut nadooh ynnin ka sngi.
