Ka yingkieñ (Iron Bailey Bridge) kawa lai luti najrong ka wah Irang kawa chibynta u sarok NH-37 (Imphal- Jiribam Road), Manipur ha chnong Taubam, Noney District da haap ko ynne i step heipor kamwa 7:25.
Kani ka yingkieñ da haap ko heipor wa dang lai kawi ka Truck wa 10 chaka kawa kit chyiap heiwa kani ka yingkieñ syndet syndet da jem ko khweng wei da haap ko cha ka wah deiwa kli lang yaka Truck kawa em uwa yah wa uwa yarap (Handyman) ya oo hapoh.
Mar ya oo wa jia ini, kiwa chong chnong ka Taubam wa ki CRPF da lai ki cha ini wa jia wei da sai ki ya u Handyman katwa ya uwa yah kari won ym pu em chem wei da suba toh uwa da chah rah ha ka um.
I thooh ya uni u bru dang pteiñ hi ko deiwa yarap ki tre chnong wa ki chipai.
Kani ka Truck toh ka yong ka Company kawa kreh wow chna yaki kaam wa yatoh waka rel wei da kit chyiap ko na Dimapur yow lai chei liang Jiri.