15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Hiar kiwa dang em ya uni u khñiang hapoh 3 lak ngut hadien 163 sngi ha India

Advertisement ad1

Ka ri India da poi ko sa ha uwi u moomær yow jop ya ka khlam COVID-19 heiwa kiwa dang em ya uni u khñiang da hiar ki hapoh 3 lak hadien 163 sngi heiwa haka 12-07-20 da em ki 2,92,258 ngut.

Ini da jia neidaw wa duna kiwa dang yoh wei boon kiwa chait heiwa ha kini ki 24 kynta kiwa dang yoh haka sien nyngkong hadien 173 sngi da em ki hapoh 20,000 ngut deiwa em 19,556 ngut, kiwa dang chait da em ki 30,376 ngut, kiwa dang yap 301 ngut iwa mut wa kiwa dang em ya uni u khñiang da duna ki da 11,121 ngut.

75% na kiwa dang chait toh kiwa em ha ki 10 tylli ki jylla kiwa boon dooh ha Maharashtra 6,053 ngut, Kerala 4,494 ngut, West Bengal 2,342 ngut, Chhattisgarh 1,738 ngut, Delhi 1,669 ngut, Uttar Pradesh 1,397 ngut, Rajasthan 1,365 ngut, Madhya Pradesh 1,290 ngut, Gujarat 1,268 wa ha Karnataka 1,261 ngut.

76% kiwa dang yoh toh kiwa em ha ki 10 tylli ki jylla kiwa boon dooh ha Kerala 3,423 ngut, Maharashtra 2,834 ngut, West Bengal 1,515 ngut, Chhattisgarh 1,258 ngut, Tamil Nadu 1,071 ngut, Madhya Pradesh 1,035 ngut, Uttar Pradesh 990 ngut, Gujarat 960 ngut, Rajasthan 913 ngut wa ha Delhi 803 ngut.

Waroh kiwa da chait da em ki 95.65% iwa ku naka 95.51% kiwa em 96,36,487; kiwa dang em ya uni u khñiang da em ki 2.90% kiwa hiar naka 3.02% kiwa em 2,92,518 ngut; 1.45% kiwa yap kiwa em 1,46,111 ngut, deilang da em 1,00,75,116 ngut kiwa da dep yoh ya uni u khñiang hapoh ka ri.

Kiwa chait da tam ki da 93,43,969 ngut ya kiwa dang em ya uni u khñiang iwa ku da 41,497 ngut nadooh ynnin ka sngi.

Share this:
Previous

Daw kynreh naphang ka AJPTA ya ki kari wa wan na baar wow dai syiar

Next

Pyndam ya ka No Entry yow lait na i sahkut ki kari, ong ki ar seiñ