Kiwa dang yoh COVID-19 ha kini ki 24 kynta ha India toh kiwa duna dooh hadien 160 sngideiwa em 25,072 ngut, kiwa dang chait da em ki 44,157 ngut wa 389 ngut kiwa yap iwa mut wa kiwa dang em ya uni u khñiang da hiar ki da 19,474 ngut. Kiwa dang yoh leh da neh ki hapoh 50,000 ngut la 57 sngi khlem sangeh.
Ynnin ka sngi da em leh du ar tylli ki jylla wa boon da kiwa dang yoh ya kiwa chait ha Jammu & Kashmir wa tam da kiwa dang yoh da 6 ngut wa ha Haryana wa tam da 1. Ini i boon da kiwa chait da pynpoi ko ya kiwa chait wow em ki 97.63% iwa boon dooh nadooh u Wisu (Mar) 2020, wei kiwa chah ktah leh da em ki cha 3.33 lak ngut iwa duna dooh hadien 155 sngi.
Ki jylla wa boon dooh kiwa dang chah ktah toh ha Kerala (1,63,745), Maharashtra (56,690), Karnataka (20,582), Tamil Nadu (19,171), Andhra Pradesh (14,677), West Bengal (9,461), Odisha (8277), Assam (8011), wa ha Telangana (6,384).
Ki jylla wa duna dooh wa em kiwa dang chah ktah toh ha Andaman & Nicobar Islands (01), Dadra and Nagar Haveli and Daman and Diu (04), Lakshadweep (23), Chandigarh (41), Ladakh (61), Madhya Pradesh (86), Bihar (141), Rajasthan (152), Jharkhand (177), Gujarat (182), Uttarakhand (317), Uttar Pradesh (373), Delhi (398), Punjab (488), Haryana (676) wa ha Puducherry (847).
Ynnin ka sngi da leh 12,95,160 tylli ki Test heiwa kiwa chah ktah da em ki 1.19% kawa tip leh kam ka Positivity Rate kawa da neh hapoh 3% la 59 sngi.
Heiyatoh wa i e tika hapoh ka ri, da dep wow e la 58,25,49,595 sien heiwa ynnin ka sngi da e 7,95,543 sien.
Waroh kiwa da chait da em ki 97.63% kiwa em 3,16,80,626 ngut, kiwa dang chah ktah da em ki 1.03% kiwa em 3,33,924 ngut, kiwa yap 1.34% kiwa em 4,34,756 ngut, deilang dapoi 3,24,49,306 ngut kiwa da dep yoh ya uni u khñiang hapoh ka ri.
