theme-sticky-logo-alt
theme-logo-alt
Advertisement ad1
Advertisement ad1

COVID-19: Hiar kiwa dang yoh cha 30,549 ngut ha India

Advertisement ad1
Advertisement ad1

Kiwa dang yoh COVID-19 ha India da neh ki hapoh 50,000 ngut la 37 sngi khlem sangeh heiwa kiwa dang yoh ha kini ki 24 kynta da em ki 30,549 ngut, kiwa dang chait 38,887 ngut, kiwa dang yap 422 ngut iwa mut wa kiwa dang em ya uni u khñiang da hiar ki da 8,760 ngut.

Ynnin ka sngi da em 8 tylli ki jylla wa boon da kiwa yoh ya kiwa chait heiwa kiwa boon dooh wa tam da kiwa dang yoh toh ha Mizoram 127 ngut, Himachal Pradesh 75 ngut, Jammu & Kashmir 43 ngut, Goa 16 ngut wa ha Tripura 12 ngut.

Advertisement ad1

Ki jylla wa boon dooh kiwa dang chah ktah toh ha Kerala (1,65,834), Maharashtra (78,700), Karnataka (24,045), Andhra Pradesh (20,582), Tamil Nadu (20,385), Odisha (13,318), Assam (12,429), West Bengal (10,803) wa ha Telangana (8,819).

Ki jylla wa duna dooh wa em kiwa dang chah ktah toh ha Andaman & Nicobar Islands (06), Dadra and Nagar Haveli and Daman and Diu (15), Chandigarh (33), Ladakh (57), Lakshadweep (79), Madhya Pradesh (132), Jharkhand (239), Rajasthan (241), Gujarat (251), Bihar (401), Punjab (473), Delhi (538), Uttarakhand (646), Haryana (703), Uttar Pradesh (646) wa ha Puducherry (944).

Ynnin ka sngi da leh 16,49,295 tylli ki Test heiwa kiwa chah ktah da em ki 2.81% kawa tip leh kam ka Positivity Rate kawa da neh hapoh 5% la 56 sngi.

Heiyatoh wa i e tika hapoh ka ri, da dep wow e la 47,85,44,114 sien heiwa ynnin ka sngi da e 61,09,587 sien.

Waroh kiwa da chait da em ki 97.38% kiwa em 3,08,96,354 ngut, kiwa dang chah ktah da em ki 1.28% kiwa em 4,04,958 ngut, kiwa yap 1.34% kiwa em 4,25,195 ngut, deilang dapoi 3,17,26,507 ngut kiwa da dep yoh ya uni u khñiang hapoh ka ri.

Share this:
Previous

Sor Jowai wa em naam

Next

816 ngut kiwa dang chait na u COVID-19 ha Meghalaya