Kiwa yoh COVID-19 ha India da neh ki hapoh 50,000 ngut la 27 sngi heiwa ha kini ki 24 kynta kiwa dang yoh da hiar ki hapoh 40,000 ngut kiwa em 39,097 ngut, kiwa dang chait 35,087 ngut, kiwa dang yap 546 ngut iwa mut wa kiwa dang em ya uni u khñiang da ku ki da 3,464 ngut.
Ynnin ka sngi da em leh 8 tylli ki jylla wa boon da kiwa dang yoh ya kiwa chait kiwa boon dooh wa tam da kiwa dang yoh ha Kerala 6319 ngut, Maharashtra 607 ngut wa ha Mizoram 363 ngut.
Ki jylla wa boon dooh kiwa dang chah ktah toh ha Kerala (1,35,700), Maharashtra (98,120), Karnataka (24,150), Tamil Nadu (24,816), Andhra Pradesh (22,939), Odisha (17,270), Assam (15,942), West Bengal (12,089) wa ha Telangana (9,729).
Ki jylla wa duna dooh wa em kiwa dang chah ktah toh ha Andaman & Nicobar Islands (17), Chandigarh (33), Dadra and Nagar Haveli and Daman and Diu (41), Lakshadweep (70), Ladakh (67), Madhya Pradesh (172), Jharkhand (299), Rajasthan (327), Gujarat (345), Delhi (573), Uttarakhand (606), Bihar (582) wa ha Haryana (763).
Ynnin ka sngi da leh 16,31,266 tylli ki Test heiwa kiwa chah ktah da em ki 2.40% kawa tip leh kam ka Positivity Rate kawa da neh hapoh 3% la 33 sngi.
Heiyatoh wa i e tika hapoh ka ri, da dep wow e la 42,78,82,261 sien heiwa ynnin ka sngi da e 42,67,799 sien.
Waroh kiwa da chait da em ki 97.35% kiwa em 3,05,03,166 ngut, kiwa dang chah ktah da em ki 1.31% kiwa em 4,08,977 ngut, kiwa yap 1.34% kiwa em 4,20,016 ngut, deilang dapoi 3,13,32,159 ngut kiwa da dep yoh ya uni u khñiang hapoh ka ri.
