theme-sticky-logo-alt
theme-logo-alt
Advertisement ad1

Tokyo Olympics: Yoh ka Mirabai Chanu ya ka takma rupa wa nyngkong dooh ya ka India ha ka Weightlifting

Ka Mirabai Chanu kawa na Manipur da pynyoh ko ya ka takam wa nyngkong ka India ha ka Tokyo Olympics kawa man leh kawa nynkong dooh ka nong India kawa da yoh takma rupa ha ka yalehke Weightlifting ha ka kyrdan 49 Kg Category.

Ka Mirabai kawa em 26 snem da kynrong ko 87 kg ha ka Snatch wa 115 kg ha ka Clean & Jerk yow yoh 202 Point.

Ya ka takma ksiar da ka yoh da ka Hou Zhihui kawa na China katwa ya ka takma tama da yoh da ka nong Indonesia.

Ka Zhihui da yoh ko leh ya ka Olympic Record deiwa kynrong 94 kg ha ka Snatch katwa ha ka Clean & Jerk won da ye ko wow kynrong 116 kg.

Ini toh i sien wa ar wa ka Chanu da mihkhmat ko ha ka Olympics heiwa ha Rio ha u 2016 ym em ye ko wow kynrong ya ka 82kg ha ka Snatch, hei pyrchang wa ar de ye ko wow kynrong ya ka 82 kg wei ym em ye won ko manda poi wow kynrong ha ka 84 kg. Ha ka kynrong Clean & Jerk ym em ye ko wow kynrong ha waroh le sien wa pyrchang ko.

Ha Olympics won ha ka Snatch da ye ko wow kynrong ya ka 84 kg wa 87 kg wei ym em ye ko ya ka 89 kg. Ha ka Clean & Jerk da ye ko wow kynrong ya ka 110 kg wa 115 kg.  

Share this:
Previous

693 ngut kiwa dang yoh COVID-19 ha Meghalaya

Next

COVID-19: Hiar kiwa dang yoh hapoh 40,000 ngut ha India