Nadooh ka 13 tarik u Thohlakhmi hadooh ynne ka 7 tarik, kiwa dang chah ktah ha u COVID-19 ha India da ku ki da 48,597 ngut heiwa haka 12 tarik u Thohlakhmi da em ki 1,35,926 ngut katwa hadooh ynne da em ki 1,84,523 ngut.
Ini da jia i neidaw wa pteiñ wow ku kiwa dang yoh COVID-19 khamtam ha Maharastra kiwa ha kani ka 24 kynta da em 10,187 ngut kiwa dang yoh iwa pynbood da ka Kerala 2,791 ngut, Punjab 1,159 ngut, Karnataka 580 ngut, Gujarat 271 ngut wa ha Tamil Nadu 562 ngut.
Hadien ka 12 tarik u Thohlakhmi da em du 5 sngi wa boon da kiwa chait ya kiwa dang yoh.
Hapoh ka ri kiwa dang yoh ha kini ki 24 kynta da em ki 18,711 ngut, kiwa dang chait 14,392 ngut, kiwa dang yap 100 ngut iwa mut wa kiwa dang em ya uni u khñiang da ku ki da 4,219 ngut.
Waroh kiwa chait hapoh ka ri da em ki 96.95% kiwa em 1,08,68,520 ngut, kiwa dang cha ktah da em ki 1.65% kiwa em 1,84,523 ngut, kiwa da yap da em ki 1.41% kiwa em 1,57,756 ngut. Deilang dapoi 1,12,10,799 ngut kiwa da dep yoh ya uni u khñiang hapoh ka ri.
I e dawai yada COVID-19 hapoh ka ri da dep wow e 2,09,22,344 sien heiwa na kini toh 69,82,637 ngut ki Health Care Worker kiwa da yoh chisien ya ini i dawai katwa 25,42,123 ngut toh kiwa da yoh la arsien. Ya ki Front Line Workers da em 65,85,752 ngut kiwa da yoh yei dawai chisien katwa 2,11,918 ngut toh kiwa da yoh la arsien.
I e dawai ya kiwa em 45 hadooh 59 snem kiwa em chwa yei chitom da em 4,76,041 ngut kiwa da yoh chisien katwa kiwa em 60 snem chaneiñ da em ki 31,23,873 ngut kiwa da yoh chisien.
Ynnin ka 6 tarik kawa man leh ka sngi wa 50 wa da e ya ini i dawai, da e 14,24,693 sien.
