15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

COVID-19: La 1,12,359 ngut kiwa yoh, 40.32% kiwa da chait ha India

0 Comments

Ki laad pathai khubor ka sorkar pyrdi da pyntip ki wa ha kini ki 24 kynta hadooh 8 waje i step ka 21 tarik, kiwa chah ktah ha u COVID-19 da em ki 5,609 ngut.

Na kini ki 5,609 ngut, kiwa dang yoh thymme ya u COVID-19 da em ki 2,475 ngut katwa kiwa dang chait da em ki 3,002 ngut iwa da boon biang kiwa chait bar ya kiwa dang yoh. Kiwa yap da em ki 132 ngut.

Waroh kiwa da chait da em ki 45,300 ngut iwa man 40.32% na waroh kiwa da chah ktah ha u COVID-19.

63,624 ngut won toh kiwa dang em ya uni u khñiang kiwa em hapoh i chah sumaar tangwa na kini du 2.94% toh kiwa em hapoh ICU.

Kiwa yap hapoh India da em ki 3.06%, iwa duna lada nujor deiwa kheiñlang hapoh ka pyrthai wa man 6.65%.

Hawa pait ya kiwa yap won, 64% toh ki chynrang katwa 36% toh ki kynthai.

Hawa pait won ya kiwa yap deiwa kheiñ ya i rta, da chem wa em 0.5% kiwa yap kiwa em 15 snem chapoh. 2.5% kiwa yap wa em 15-30 snem i rta. 11.4% toh kiwa yap wa em ha i rta 30-45 snem. 35.1% toh kiwa em 45-60 snem. 50.5% toh kiwa em 60 snem chaneiñ. Chooh chooh 73% kiwa yap toh kiwa da em chwa i chitom wa joor. Kiwa em 60 snem chaneiñ wa kiwa em chwa i kjut man ki kam kiwa em hei maa namo ki High Risk Groups na u COVID-19.

Waroh kiwa da chah ktah ha u COVID-19 ha India da em ki 1,12,359 ngut heiwa na kini 63,624 ngut yoh kiwa dang em ya uni u khñiang (Active Case), 45,300 kiwa da chait wa 3,435 ngut kiwa yap.

Previous
Next

0 Comments

Leave a Reply