15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: La 3 sngi em palat 50 hajar kiwa chah ktah, da kynjoh 17 lak kiwa da yoh

Advertisement ad1
Advertisement ad1

Kiwa dang chah ktah ha u COVID-19 hapoh India la 3 sngi kattu da tam ki palat 50 hajar ngut wei ha kini ki 24 kynta hadooh i step ka 1 tarik da em 57,118 ngut iwa man leh iwa boon dooh haka chi sngi hadooh ynne, katkam ka yukheiñ ka Ministry of Health & Family Welfare deilang waka ICMR.

Na kini kiwa dang chah ktah, da em 36,569 ngut kiwa chait. Kiwa dang em ya uni u khñiang da ku ki da 19,785 ngut wei da em leh sa 764 ngut kiwa yap.

Advertisement ad1
Advertisement ad1

Ka jylla wa ku dooh kiwa dang em ya u COVID-19 toh ha Andhra Pradesh 6,468 ngut, Maharashtra 2,512 ngut, Karnataka 2,305 ngut waka Telangana 1,156 ngut.

Ki jylla wa boon dooh kiwa dang chait toh ha Maharashtra 7,543 ngut, Tamil Nadu 5,778 ngut, Andhra Pradesh 3,840 ngut, Karnataka 3,094 ngut, West Bengal 2,118 ngut, Uttar Pradesh 2,060 wa ha Bihar 2,008 ngut.  

Hapoh ka ri, kiwa chait da em ki 64.53% iwa hiar naka 64.55% kiwa da em waroh 10,94,374 ngut. Kiwa dang em ya uni u khñiang da em ki 33.32 iwa ku naka 33.27% kiwa em waroh 5,65,101 ngut katwa kiwa yap da em ki 2.15% kiwa em 36,511 ngut. Waroh kiwa da dep yoh COVID-19 da em ki 16,95,988 ngut.

Kiwa da chait da tam ki da 5,29,271 ngut ya kiwa dang em ya uni u khñiang iwa ku da 16,784 ngut nadooh ynnin ka sngi

Share this:
Previous

Da Test biang wei da man Negative u Doctor ka Bethany Hospital

Next

Da pynthymme ya kiwa krehkam ka JSU Moodymmai Unit