15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: La 3 sngi neh kiwa dang yoh hapoh 1 lak, ku kiwa dang yap palat 6000 ngut ha India

La 3 sngi kiwa dang yoh COVID-19 ha India da neh ki hapoh 1 lak ngut, kiwa dang chait leh da boon ki ya kiwa dang yoh la 28 sngi iwa da pynhiar leh ya kiwa dang chah ktah wow em ki hapoh 12 lak ngut katwa kiwa dang yap hei sien nyngkong em ki palat 6000 ngut.

Kiwa dang yoh ha kini ki 24 kynta da em ki 94,052 ngut, kiwa dang chait da em ki 1,51,367 ngut, kiwa dang yap da em ki 6,148 ngut iwa mut wa kiwa dang em ya uni u khñiang da hiar ki da 63,463 ngut.

Ha kini ki 24 kynta da em leh du 3 tylli ki jylla wa boon da kiwa dang yoh ya kiwa chait kiwa kynthup ya ka Manipur wa tam da kiwa dang yoh da 166 ngut, Mizoram 215 ngut wa ha Tripura 281 ngut.

Na ki 20,04,690 tylli ki Test wa da leh ha kini ki 24 kynta kiwa chah ktah da em ki 4.69% kawa tip leh kam ka Positivity Rate kawa da neh hapoh 10% la 17 sngi.

Waroh kiwa da chait da em ki 94.77% kiwa em 2,76,55,493 ngut, kiwa dang chah ktah da em ki 4.00% kiwa em 11,67,952 ngut, kiwa yap 1.23% kiwa em 3,59,676 ngut, deilang dapoi 2,91,83,121 ngut kiwa da dep yoh ya uni u khñiang hapoh ka ri.

Heiyatoh wa i e tika hapoh ka ri, da dep wow e la 24,27,26,693 sien heiwa ynnin ka sngi da e 33,79,261 sien.

Share this:
Previous

Hadien 13 sngi boon biang da kiwa dang yoh, da tam 700 ngut kiwa da yap na u COVID-19 ha Meghalaya

Next

Da ki tin sap yung e ka MPUF cha ki 6 tylli ki manyung ha Ladrymbai