Ka Ministry of Health & Family Welfare ka sorkar India da pyntip ko wa hadooh 9 waje ynne i step ka 1 tarik, kiwa dang em ya u khñiang COVID-19 (Active Case) da em ki 25,007 ngut iwa mut kiwa dang yoh da em ki 1356 ngut haki 24 kynta hadooh ynne.
Kiwa yap da em ki 1147 ngut iwa da ku da 73 ngut ha kini ki 24 kynta.
Kiwa chait won da em ki 8889 ngut iwa ku da 564 ngut ha kini ki 24 kynta.
Ka jylla Maharashtra da man ko leh ka jylla wa nyngkong wa palat 10 hajar kiwa yoh ya u COVID-19 heiwa da em waroh 10,498 ngut kiwa yoh da chait 1773 ngut wei kiwa yap 459 ngut.
Ka sorkar da yabah ko leh yaka ri haki Red Zone (130), Orange Zone (284) wa Green Zone (319) tylli heiwa hapoh ka ri kiwa boon toh kiwa dang haap hapoh ka Green Zone kiwa mut ki thaw kiwa lait na u COVID-19.
Lada kheiñlang waroh nadooh kiwa dang em ya uni u khñiang, kiwa yap wa kiwa da chait da em 35,043 ngut.
Ka sorkar da pyntip ko leh wa naki 100 ngut kiwa yoh ya u COVID-19 kiwa yap man ki 3.2 ngut hapoh ka ri iwa man iwa duna lada nujor waki 10 tylli ki ri wa chah ktah dooh heiwa ha UK da man ko 15.7 naka 100 ngut.
Discussion about this post