Kiwa yoh COVID-19 da tam ki 36 lak ngut ha India deiwa em sa 78,512 ngut kiwa dang chah ktah ha kini ki 24 kynta katkam ka yukheiñ ka Ministry of Health & Family Welfare.
Kiwa dang chait da em ki 60,868 ngut, kiwa yap da em sa 971 ngut katwa kiwa dang em ya uni u khñiang da ku ki da 16,673 ngut.
Ki jylla wa boon dooh kiwa dang chait toh ha Andhra Pradesh 9067 ngut, Maharashtra 7690 ngut, Karnataka 7101 ngut, Tamil Nadu 6406 ngut, Uttar Pradesh 4802 ngut, West Bengal 3308 ngut, Odisha 2519 ngut wa ha Bihar 2352 ngut.
Ki jylla wa boon dooh wa ku kiwa dang em ya uni u khñiang toh ha Maharashtra 8422 ngut, Karnataka 1645 ngut, Andhra Pradesh 1448 ngut wa ha Uttar Pradesh 1306 ngut.
Kiwa chait hapoh ka ri da em ki 76.63% iwa ku naka 76.61% kiwa em 27,74,801 ngut, kiwa dang em ya uni u khñiang da em ki 21.59% iwa hiar naka 21.60% kiwa em 7,81,975 ngut wa 1.78% kiwa yap kiwa em 64,469 ngut. Waroh da em 36,21,245 ngut kiwa da dep yoh.
Kiwa chait da tam ki da 19,92,826 ngut ya kiwa dang em ya uni u khñiang iwa ku da 44,195 ngut nadooh ynnin ka sngi.
