Ynnin ka sngi, u montri rangbahdooh ka ri, u Narendra Modi hawa e i klam ha ka Mann ki Baat da khana u hajrong ka Children University of Gandhinagar, ka Ministry of Women and Child Development, Ministry of Education wa ka Ministry of Micro-Small and Medium Enterprises heiwa kammon u chna ya ki tiar kyndehke ki khynnah wei kammon wa ka India ye ko u man kawi na ki ri wa pynmih ya ki tiar kyndehke ki khynnah ha ka pyrthai.
Da ong u wa ki tiar kyndehke ym man ki du wow pynwyrngia tangwa wot wow pynproh yei thij i pyrkhat ki khynnah leh kamjooh.
U modi da pynkynmoo u ya i kyntien u Rabindranath Tagore uwa ong wa ki tiar kyndehke wa miat ym man pura ki lada khlem ki khynnah wa kyndeh ya ki wei ini daw yarap i ya ki khynnah ha kiwa boon ki liang kat dang heh i rta ki.
Chooh chooh da kdaw u ya ka National Education Policy, heiwa da em i bynta yong ki tiar kyndehke iwa klam hajrong i rukom im ki khynnah deiwa pynrap leh wa em boon ngut ki bru wa pnah bha ha i kaam chna tiar kyndehke kam ha Channapatna, Ramnagaram ha Karnataka, Kondaplli, Krishna ha Andhra Pradesh, Thanjavur ha Tami Nadu, Dhubri ha Assam, Varanasi ha Uttar Pradesh wa kiwi kiwi ki thaw wei ki karkhana chna tiar ha kylleiñ ka pyrthai (Global Toy Industry) chongdor i palat T.7 lak klur heiwa ka India em ko ka bhah wa khian dooh heitæ.
Da kyntu u ya waroh wow sdang noh wow pynemkaam da ki tiar kyndehke wa da pynmih næ chna hapoh ka ri wei hajrong ki Computer Games, u Modi da tyrwa buit u wow chna ya ki Games kiwa yatoh wa ki parom wa nachwa ka ri.