La 2 sngi kattu kiwa dang chah ktah ha u COVID-19 ha India da tam biang ki 80 hajar ngut deiwa em 83,341 ngut ha kini ki 24 kynta hadooh ynne i step ka 4 tarik iwa da pynpoi ya waroh kiwa yoh palat 39 lak ngut katkam ka yukheiñ ka Ministry of Health & Family Welfare.
Kiwa dang chait da em ki 66,659 ngut iwa da pynpoi ya ki cha ka 30 lak ngut, kiwa yap da em sa 1096 ngut katwa kiwa dang em ya uni u khñiang da ku da 15,586 ngut.
Kiwa boon dooh kiwa dang chait da em ki ha Maharashtra 13,988 ngut, Andhra Pradesh 9679 ngut, Karnataka 7122 ngut, Tamil Nadu 6110 ngut, Uttar Pradesh 4448 ngut, West Bengal 3335 ngut wa ha Odisha 3278 ngut.
Ki jylla wa boon dooh wa ku kiwa dang em ya uni u khñiang toh ha Maharashtra 3726 ngut, Karnataka 1639 ngut, Chhattisgarh 1538 ngut, Delhi 1190 ngut wa ha Assam 1076 ngut.
Kiwa chait hapoh ka ri da em ki 77.15% iwa ku naka 77.09% kiwa em 30,37,151 ngut, kiwa dang em ya uni u khñiang da em ki 21.11% iwa hiar naka 21.26% kiwa em 8,31,124ngut wa 1.74% kiwa yap kiwa em 68,472 ngut. Waroh da poi 39,36,747 ngut kiwa da dep yoh.
Kiwa chait da tam ki da 22,06,027 ngut ya kiwa dang em ya uni u khñiang iwa ku da 51,073 ngut nadooh ynnin ka sngi.
