Ka HYC lyngba ka Agricultural & Farmer’s Cell da kyrpaad ko na u montri ka chnat rep u Banteidor Lyngdoh wow booh da ka Minimum Support Price namo i dor ki mar iwa ym toh wow dai duna ya iwa da booh yow lait na i chah ksih dor ki warep kamjooh wow pynkrehkaam noh yaka Meghalaya State Agriculture Produce & Livestock Marketing (Promotion & Facilitation) Act 2020 wa kiwi ki aiñ wa yatoh wa ini.
Ka seiñ da dawa ko leh wa ka sorkar toh u pynmih ko yaka hukum yow pyndooh noh yei chah ah kilo yaki mar rep ha ki yaw ki haat, khamtam ya ki mar rep wa du hapoh 50 kg.
Da dawa leh wow booh yaka Cold Storage ha Iewduh wa ha kiwi ki thaw wa boon i khayi ya ki mar rep. Wow pynkhlan leh ya i krehkaam ki warep, wow pynboon ya ki symbe jhoor ha ki Agriculture Centre yong ka sorkar kiwa em ha ki chnong waphær waphær deilang wa i pynpuna dor namo ka Subsidy wa chiteiñ dor.
Da dawa leh wa maap noh yaka sut yong ka ram wa chim ki warep nadooh u bnai April hadooh u December yong u snem 2020 neidaw wa em ka khlam COVID-19.