La 4 sngi kiwa dang yoh COVID-19 ha India da neh ki hapoh 1 lak ngut, kiwa dang chait leh da boon ki ya kiwa dang yoh la 29 sngi khlem sangeh, kiwa yoh ya uni u khñiang na kiwa chah Test kawa tip leh kam ka Positivity Rate leh da neh ko hapoh 10% la 18 sngi wei kiwa dang chah ktah (Active Case) leh da hiar ki hapoh 4%.
Kiwa dang yoh ha kini ki 24 kynta da em ki 91,702 ngut, kiwa dang chait da em ki 1,34,580 ngut, kiwa yap 3,403 ngut iwa mut wa kiwa dang em ya uni u khñiang da hiar ki da 46,281 ngut.
Ha kini ki 24 kynta da em leh 6 tylli ki jylla wa boon da kiwa dang yoh ya kiwa chait wa kynthup ya ka Andaman & Nicobar Islands wa boon da kiwa dang yoh da 8 ngut, ha Bihar 528 ngut, Manipur 52 ngut, Meghalaya 166 ngut, Sikkim 171 ngut wa ha West Bengal 17 ngut.
Ha kini ki 24 kynta da leh 20,44,131 tylli ki Test heiwa kiwa chah ktah da em ki 4.49% kawa tip leh kam ka Positivity Rate iwa ha kani ka tayaw deiwa kheiñlang da man ko 5.14%.
Waroh kiwa da chait da em ki 94.93% kiwa em 2,77,90,073 ngut, kiwa dang chah ktah da em ki 3.83% kiwa em 11,21,671 ngut, kiwa yap da em ki 1.24% kiwa em 3,63,079 ngut, deilang dapoi 2,92,74,823 ngut kiwa da dep yoh ya uni u khñiang hapoh ka ri.
Heiyatoh wa i e tika hapoh ka ri, da dep wow e la 24,60,85,649 sien heiwa ynnin ka sngi da e 32,74,672 sien.
