15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka jylla Meghalaya da u laiñ dak soo

Da u: Shimphang Lyngdoh, Lumputhoi

Hai-pa-ri-hai wada sñiaw sarom,
Ka jylla yong i da dooh burom;
Ha ka liang ka puræ puthi,
Na ki daw wa boon wym tip i ki.

Ka daw wa nongkong hi toh na u COVID-19,
Wym yoh de u man skur kamwa jooh kat tynde;
Da phah leh hi-eh du da ka Online Class,
Na ka chnat puræ leh da kular ko u pynpass.

Ka Online Class man ko ka daw wa ar,
Yei puræ puthi chatre dooh u pynhiar;
Boon ki khynnah skur heithaw u puræ puthi,
Kyndehke pathan kiru du ha ka PUBG.

I dooh i duk man ko ka daw wa le,
Ya ki khynnah skur wow pyntlot pynswe;
Wym em poisa ki pli u thied mobile,
Nei puræ puthi ya ki da pyn yajngai.

Neitæ bood sei suki network palat,
Cha jngai na yung u mih tang wow yoh Online Class!
Hajrong ki loom ki madan ki riat ki chariñ,
Da i trep u chna tang wow yoh pyndep assignment.

Kawa kongsan dooh toh na ka polisi,
Wa synjor ki aiñ ka chnat puræ puthi;
Ye wow man na ki syllabus wa ki rukom e sikai,
Ka juk thymme næ wym yahap ki rukom pynlai.

Khaddooh kwah u ong na nga seiwi,
Wa lehstiñ hi ki khynnah yei kamram yong ki;
Da ka ear phone ha chkoor wa yoo kynjai,
Chawah chanieñ wa uiñ krai kti wow pynad rupai.

Na ka naam kam ka ‘Education Hub’,
Cha ka ‘Worst Performer in India’;
Da ki snem ki snem sahkut ki tulop,
Kiwa sikai da khreh wow yap thngan ja.

Share this:
Previous

Da booh 11,820 tylli ki bhah e tika neibynta kiwa 18-44 snem ha East Khasi Hills

Next

COVID-19: La 4 sngi neh kiwa dang yoh hapoh 1 lak ngut ha India