15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: La 40 lak kiwa yoh ha India, da jan yoh wa ar hapoh pyrthai

Advertisement ad1
Advertisement ad1

Kiwa chah ktah ha u COVID-19 ha India da tam ki 40 lak ngut deiwa em 86,432 ngut kiwa dang chah ktah ha kini ki 24 kynta hadooh ynne i step ka 5 tarik iwa man leh iwa boon dooh haka chi sngi katkam ka yukheiñ ka Ministry of Health & Family Welfare.

Kiwa dang chait da em ki 70,072 ngut iwa boon dooh haka chi sngi, kiwa yap da em sa 1,089 ngut katwa kiwa dang em ya uni u khñiang da ku ki da 15,271 ngut.

Ki jylla wa boon dooh kiwa dang chait toh ha Maharashtra 13289 ngut, Andhra Pradesh 12154 ngut, Tamil Nadu 6334 ngut, Karnataka 6161 ngut, Uttar Pradesh 5006 ngut wa ha West Bengal 3305 ngut.

Ki jylla wa boon dooh kiwa ku kiwa dang em ya uni u khñiang toh ha Maharashtra 5551 ngut, Karnataka 3003 ngut, Chhattisgarh 1970 ngut wa ha Delhi 1150 ngut.

Kiwa chait hapoh ka ri da em ki 77.23% iwa ku naka 77.15% kiwa em 31,07,223 ngut, kiwa dang em ya uni u khñiang da em ki 21.04% iwa hiar naka 21.11% kiwa em 8,46,395 ngut katwa kiwa yap da em ki 1.73% kiwa em 69,561 ngut. Waroh da em 40,23,179 ngut kiwa da dep yoh COVID-19 ha India.

Kiwa da chait da tam ki da 22,60,828 ngut ya kiwa dang em ya uni u khñiang iwa ku da 54,801 ngut.

Kiwa chah ktah haka chi sngi ha India da tam ki kamwa 2 chah bar ya kiwa chah ktah haka chi sngi ha ri Brazil kawa em hei wa ar waka USA kawa em hei nyngkong na ki ri wa chah ktah dooh ha u COVID-19.

Ka India da jan chem ko yaka Brazil kawa em 40,91,801 ngut kiwa da dep yoh ya uni u khñiang katwa ka India da em ko 40,23,179 ngut kiwa da dep yoh.

Share this:
Previous

Khlaad noh u ma Rojini Langdoh

Next

Hadien kamwa 18 snem yoh Ambulance noh ka Khliehtyrshi PHC