15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: La 42 lak ngut kiwa yoh, da chim ka India yei kyrdan wa ar hapoh pyrthai

Advertisement ad1
Advertisement ad1
Advertisement ad1
Advertisement ad1

Hadien ar sngi wa em bait 90 hajar tam kiwa chah ktah ha u COVID-19 heiwa ha kini ki 24 kynta hadooh i step ka 7 tarik da em 90,802 ngut kiwa dang chah ktah iwa boon dooh ha ka chi sngi iwa da pynpoi leh ya waroh kiwa da yoh ya uni u khñiang cha ka 42 lak ngut, ka India da man ko ka ri kawa ar wa chah ktah dooh hapoh pyrthai deiwa pyntam yaka Brazil kawa em 41 lak ngut kiwa da dep yoh ya uni u khñiang heiwa hei nyngkong dang em hi ka USA kawa em 62 lak ngut kiwa da dep yoh ya uni u khñiang.

Ha India i ku kiwa dang chah ktah man ki ar chah ya kiwa dang chah ktah ha Brazil wei katni da boon ki leh ya kiwa dang chah ktah ha USA kiwa da sdang hiar cha ki 50 hajar chi sngi.

Ka ri India leh man ko kawa boon dooh na waroh ki ri hawa kheiñ ya kiwa dang yoh thymme ya uni u khñiang haka chi sngi.

Kiwa dang chait ha India da em ki 69,564 ngut, kiwa yap da em sa 1016 ngut katwa kiwa dang em ya uni u khñiang da ku da 20,222 ngut.

Kiwa dang chait kiwa boon dooh toh kiwa em ha Andhra Pradesh 11,915 ngut, Karnataka 9575 ngut, Maharashtra 7826 ngut, Tamil Nadu 5820 ngut, Uttar Pradesh 4779 ngut wa ha West Bengal 3207 ngut.

Ki jylla won kiwa ku dooh kiwa dang em ya uni u khñiang toh ha Maharashtra 15,196 ngut, Uttar Pradesh 1662 ngut, Chhattisgarh 1365 ngut, Odisha 1212 ngut wa ha Delhi 1039 ngut.

Kiwa dang em ya uni u khñiang da em ki 77.31% iwa hiar naka 77.32% kiwa em 32,50,429 ngut, kiwa dang em ya uni u khñiang da em ki 20.99% iwa ku naka 20.96% kiwa em 8,82,542 ngut wa 1.7% kiwa yap kiwa em 71,642 ngut. Waroh da poi 42,04,613 ngut kiwa da dep yoh COVID-19.

Kiwa chait da tam ki da 23,67,887 ngut ya kiwa dang em ya uni u khñiang iwa ku da 49,342 ngut nadooh ynnin.

Share this:
Previous

Da pynbna chooh chooh ya ki Containment Area ha Shillong

Next

Ha ki 5 tylli ki jylla ka India em 62% kiwa dang chah ktah ha u COVID-19