Ka Ministry of Health & Family Welfare ka sorkar India da pyntip ko wa ha kini ki 24 kynta itæ hadooh 8 waje i step ka 22 tarik kiwa chah ktah ha u COVID-19 da em ki 14,821 ngut.
Na kini ki 14,821 ngut, kiwa chait da em ki 9,440 ngut, kiwa yoh da ku ki da 4,936 ngut katwa kiwa yap da em ki 445 ngut.
Waroh kiwa chait da em ki 2,37,196 ngut iwa man 55.8%, kiwa dang em ya uni u khñiang namo ki Active Case da em ki 1,74,387 ngut iwa man 41% katwa kiwa yap da em ki 13,699 ngut iwa man 3.2%. Waroh kini da em 4,25,282 ngut kiwa chah ktah ha u COVID-19.
Kiwa chait leh da tam ki da 62,809 ngut ya kiwa dang em ya uni u khñiang.
Ki le jylla wa chah ktah dooh hapoh ka ri, da man ki leh ki jylla wa boon kiwa dang yoh ya u COVID-19 heiwa ha Maharashtra da em 2,093 ngut, ha Delhi 1,218 ngut katwa ha Tamil Nadu da em 1,041 ngut.
Katkam won ka Report ka WHO wa da kheiñ hadooh ynnin ka 21 tarik, ka India man ko kawa duna bha kiwa yoh ya uni u khñiang deiwa kheiñ ha man ka chi lak ngut ki bru wa em hapoh ka ri. Ha India haka chi lak ngut da em 30.04 ngut kiwa yoh COVID-19 iwa duna le chah deiwa kheiñlang yaki ri waroh iwa man 114.67 ngut.
Ha USA ini da man ko 671.24 ngut ha man ka chi lak, katwa ha Germany, Spain wa Brazil man ko 583.88, 526.22 wa 489.42.