Ka Ministry of Health & Family Welfare ka sorkar India da pyntip ko wa ha kini ki 24 kynta itæ hadooh 8 waje i step ka 23 tarik, kiwa chah ktah ha u COVID-19 da em ki 14,933 ngut.
Na kini ki 14,933 ngut, kiwa chait da em ki 10,994 ngut katwa kiwa dang em ya uni u khñiang da ku ki da 3,627 ngut. Kiwa yap da em 312 ngut.
Na ki 16 tylli ki jylla kiwa da em palat san hajar ngut kiwa da yoh COVID-19 waroh toh kiwa da boon kiwa chait bar ya kiwa dang em ya uni u khñiang.
Ka Gujarat kawa em hei wa soo kam kawa chah ktah dooh ka jylla, da em ko 6,232 ngut kiwa dang em ya uni u khñiang heiwa da chait 19,909 ngut.
Ka Uttar Pradesh kawa em hei wa san, da em ko 6,152 ngut kiwa dang em ya uni u khñiang deiwa chait 11,601 ngut.
Ka Rajasthan kawa em hei wa ynru da chait 11,910 ngut wei da em 2,966 ngut kiwa dang em ya uni u khñiang.
Hapoh ka ri waroh kawi, kiwa chait da em ki 2,48,190 ngut kiwa da man 56.37%, kiwa dang em ya uniu khñiang da em ki 1,78,014 iwa man 40.43% katwa kiwa yap kiwa em 14,011 ngut da man ki 3.18%. Deilang waroh da em 4,40,215 ngut kiwa da chah ktah ha u COVID-19 hapoh ka ri.
Kiwa chait leh da tam ki ya kiwa dang em ya uni u khñiang da 70,176 ngut.
