Ka Jaiñtia Students Movement-Western Region lyngba ki le tylli ki Unit yong ka, ka Ialong Unit, Nartiang Circle waka Khanduli Unit ha jar jiar ki chnong ki thaw da saam khoo ki cha kitu ki manyung wa dooh waduk kamjooh kiwa ym em Card Ration.
Ka seiñ da ong ko wa ini toh i sdang wow e yarap ha kini ki chnong deiwa em leh ki mynsien wa sbun wow yarap ya kitai ki manyung wa dooh waduk.
Hajrong ini, da ong u General Secretary ka Western Region u Chancelor Talang wa da em hadooh 16 tylli ki Unit waki Circle hapoh West Jaiñtia ki wow e yarap kiwa da seiñ khnang wow poi cha ki yung wa dooh wa duk.