15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: La 48 lak ngut kiwa yoh, kiwa chait da poi 78% ha India

Advertisement ad1

La san sngi kattu kiwa dang chah ktah ha u COVID-19 ha India da em ki palat 90 hajar ngut deiwa em sa 92,071 ngut kiwa chah ktah ha kini ki 24 kynta itæ hadooh i step ka 14 tarik katkam ka yukheiñ ka Ministry of Health & Family Welfare.

Kiwa dang chait da em ki 77,512 ngut, kiwa yap da em sa 1,136 ngut katkwa kiwa dang em ya uni u khñiang da ku ki da 13,423 ngut iwa da pynpoi ya waroh kiwa yoh yow tam ki 48 lak ngut.

Ki jylla wa boon dooh kiwa dang chait toh ha Maharashtra 11549 ngut, Andhra Pradesh 10131 ngut, Karnataka 8402 ngut, Uttar Pradesh 5958 ngut wa ha Tamil Nadu 5717 ngut.

Ki jylla wa boon dooh wa ku kiwa dang em ya uni u khñiang toh ha Maharashtra 10578 ngut, Karnataka 1388 ngut wa ha Kerala 1270 ngut.

Kiwa chait hapoh ka ri da poi ki 78.00% iwa ku naka 77.88% kiwa em 37,80,107 ngut; kiwa dang em ya uni u khñiang da em ki 20.36% iwa hiar naka 20.47% kiwa em 9,86,598 ngut; kiwa yap da em ki 1.64% kiwa em waroh 79,722 ngut. Waroh da em 48,46,427 ngut kiwa da dep yoh COVID-19.

Kiwa chait da tam ki da 27,93,509 ngut ya kiwa dang em ya uni u khñiang iwa ku da 64,089 ngut nadooh ynnin ka sngi.

Share this:
Previous

Yoh kem ki pulit yaki arngut kiwa tooh na kawi ka skur

Next

Yoh kem drug wa chongdor T. 3.84 klur na khappood waka Myanmar