15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: La 49 lak ngut kiwa yoh, hiar kiwa dang chah ktah cha ka 20%

Advertisement ad1
Advertisement ad1
Advertisement ad1

Hadien 5 sngi wa em bait palat 90 hajar ngut kiwa chah ktah ha u COVID-19 ha India, ha kini ki 24 kynta da hiar cha ka 83,809 ngut iwa da pynpoi leh cha ka 49 lak ngut kiwa yoh ya uni u khñiang katkam ka yukheiñ ka Ministry of Health & Family Welfare.

Kiwa dang chait da em ki 79,292 ngut iwa da pynpoi yaki cha ka 38 lak ngut, kiwa dang yap da em sa 1,054 ngut katwa kiwa dang em ya uni u khñiang da ku ki da 3,463 ngut.

Ki jylla wa boon dooh kiwa chait toh ha Maharashtra 15789 ngut, Andhra Pradesh 9764 ngut, Karnataka 8865 ngut, Uttar Pradesh 5932 ngut, Tamil Nadu 5799 ngut, Delhi 3374 ngut wa ha West Bengal 3084 ngut.

Da em leh 15 tylli ki jylla wa hiar kiwa dang em ya uni u khñiang heiwa ha Andhra Pradesh da hiar da 1868 ngut wa ha Uttar Pradesh 835 ngut katwa ki jylla wa boon dooh wa ku kiwa dang em ya uni u khñiang toh ha Chhattisgarh 2140 ngut, Maharashtra 914 ngut, Punjab 903 ngut wa ha Odisha 805 ngut.

Kiwa chait hapoh ka ri da em ki 78.28% iwa ku naka 78.00% kiwa em 38,59,399 ngut; kiwa dang em ya uni u khñiang da em ki 20.08% iwa hiar naka 20.47% kiwa em 9,90,061 ngut wa 1.64% kiwa yap kiwa em 80,776 ngut. Waroh da em 49,30,236 ngut kiwa da dep yoh ya u COVID-19.

Kiwa chait da tam ki da 28,69,338 ngut ya kiwa dang em ya uni u khñiang iwa ku da 75,829 ngut nadooh ynnin ka sngi.

Share this:
Previous

Da pynbna sngi chuti ha East Jaiñtia Hills

Next

Ym pynkylla yaka Reservation Policy hapoh ka NEP: Ramesh Pokhriyal