Kiwa dang chah ktah haka khlam COVID-19 hapoh India ha kini ki 24 kynta itæ hadooh 8 waje i step ka 30 tarik da em ki 18,522 ngut katkam wa kheiñ daka Ministry of Health & Family Welfare waka ICMR.
Na kini ki 18,522 ngut, kiwa chait da em ki 13,099 ngut, kiwa dang em ya uni u khñiang da ku ki da 5,005 ngut, kiwa yap da em sa 418 ngut.
Ki jylla boon wa ku kiwa dang em ya uni u khñiang toh ka Maharashtra 2,691 ngut, ka Tamil Nadu 1,675 ngut, ka Karnataka 910 ngut waka Telangana 559 ngut.
Ka Delhi kawa man kawa 3 naki jylla wa chah ktah dooh, da hiar i em kiwa dang em uni u khñiang da 1,601 ngut.
Haka ri waroh kawi, kiwa chait da em ki 59.07% deiwa em 334,822 ngut, kiwa dang em ya uni u khñiang namo ki Active Case da em ki 37.95% kiwa em 215,125 ngut katwa kiwa yap da em ki 2.98% kiwa em 16,893 ngut. Waroh kini da em 566,840 ngut kiwa da chah ktah ha u COVID-19 hapoh ka ri.
Kiwa chait da tam ki ya kiwa dang em ya uni u khñiang da 1,19,697 ngut iwa da kut da 8,094 ngut nadooh ynnin.
