Kiwa dang chait da pteiñ biang ki wow boon bar ya kiwa dang yoh ya u COVID-19 ha kini ki 24 kynta ha India heiwa hadien ka 6 tarik uni u bnai da hiar biang kiwa dang yoh hapoh ka 70 hajar ngut deiwa em 66,732 ngut, kiwa dang chait da em ki 71,559 ngut, kiwa dang yap da em 816 ngut iwa mut wa da hiar kiwa dang em ya uni u khñiang da 5,643 ngut.
Kiwa boon kiwa dang chait toh ha Maharashtra 10,461 ngut, Karnataka 10,107 ngut, Kerala 8924 ngut, Andhra Pradesh 5509, Tamil Nadu 5005 ngut, Uttar Pradesh 3417 ngut, West Bengal 3110 ngut wa ha Delhi 3057 ngut.
Da em leh 26 tylli ki jylla kiwa da boon kiwa dang chait ya kiwa dang yoh ha kini ki 24 kynta kiwa boon dooh ha Telangana 1199 ngut, Assam 836 ngut, Odisha 812 ngut, Karnataka 659 ngut, ha Punjab 477 ngut wa ha Madhya Pradesh 435 ngut.
Hapoh ka ri, kiwa da chait da em ki 86.36% kiwa ku naka 86.17% kiwa em 61,59,535 ngut; kiwa dang em ya uni u khñiang da em ki 12.10% kiwa hiar naka 12.30% kiwa em 8,61,853 ngut wa 1.53% kiwa yap kiwa em 1,09,150 ngut. Waroh da em 71,20,538 ngut kiwa da dep yoh ya uni u khñiang.
Kiwa chait da tam ki da 52,87,682 ngut ya kiwa dang em ya uni u khñiang iwa ku da 77,202 ngut nadooh ynnin ka sngi.
