15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Lehkmen ka KSU Barato yei dap 10 snem ka chnat

Advertisement ad1
Advertisement ad1

Ka Khasi Students Union Barato Unit haka 10 tarik uni u bnai da lehkmen ko yei dap 10 snem yong katai ka chnat krehkaam ha katai ka chnong.

Ha ini i lehkmen dap 10 snem, da yoh wow ah Cake dap 10 snem katai ka Unit da u Biangbor Paliar Vice President ka KSU seiñbei.

Advertisement ad1

Kam chibynta i lehkmen dap 10 snem katai ka Unit, kiwa yahkhmat ka KSU Barato Unit deiwa emlang u Waheh Chnong ka chnong Barato, u MDC katai ka thaaiñ u Aibor Shadap, u Hamar Muskut President KSU Nartiang Circle, u Chanbor War GS KSU Nartiang Circle, u SS Niangti CEC Member, u Wallam Nongsiej President KSU Delhi Unit, u Rueben Najiar In-charge Jaiñtia Hills wa kiwi kiwi wei da e sñiawbha da u khoo cha kiwa duna ha i doh i pran. 

Ha kani ka sngi da pynskem leh ya kiwa kitkaam wa thymme katai ka Unit neibynta ka samoi krehkaam 2020-2023.

Ya kani ka Unit da pynskem da u Rapborlang Paliar Vice President ka KSU seiñbei.

Ki dkhot wa thymme ka KSU Barato Unit toh u Ehboklang Sten-President, u Titos Shadap-Vice President, u Ready Shadap-General Secy., u Pynshongdor Sten-Asst. GS, u Pynkyrhai Sten-Organising Secy., u C. Tyngkan-Sport Secy., u Nihun Sten Finance Secy., u Marki Pala-Education Secy., u Thrangmynsien Tmung-Publicity Secy., u Neveruse Tyngkan kam u PA System In-charge, u Consciency Tmung Kum u Adviser wa kamwa 14 ngut ki dkhot.

Ha kawi won ka Khubor, ka KSU Barato Unit da maham joor ko yaki bru kiwa wan khwe ha Wah Mynriang kiwa thang da ki bom, kiwa ber dawai wa kiwi kiwi kiwa kam kini ki jait.

Ini toh naddoh ka Iachem Um hadooh ha Thwai Syrngan wei lada chem, ka seiñ deilang waka Dorbar Chnong daw pynchitom ko katkam ka aiñ.

Share this:
Previous

Yoh 1st Runner Up kawa yoh pa da u nong India haka Miss Universe Thailand 2020

Next

COVID-19: La 61 lak ngut kiwa da chait, sa 12.10% kiwa dang chah ktah ha India