Kiwa yoh COVID-19 ha India da ku ki cha ka 63 lak ngut deiwa em 86,821 ngut kiwa dang yoh ha kini ki 24 kynta itæ hadooh i step ka 1 tarik, katkam ka yukheiñ ka Ministry of Health & Family Welfare.
Kiwa dang chait da em ki 85,376 ngut, kiwa dang em ya uni u khñiang da ku ki da 264 ngut wei da em leh sa 1,181 ngut kiwa dang yap.
Kiwa boon dooh kiwa dang chait da em ki ha Maharashtra 19,163 ngut, Karnataka 8,890 ngut, Andhra Pradesh 7,075 ngut, ha Tamil Nadu 5,610 ngut, ha Uttar Pradesh 5,434 ngut, ha Odisha 4,219 ngut, Delhi 3,965 ngut, Kerala 3,536 ngut wa ha Chhattisgarh 3,204 ngut.
Da em leh 22 tylli ki jylla wa da boon kiwa chait bar ya kiwa dang yoh ha kini ki 24 kynta heiwa kiwa boon dooh wa tam da kiwa chait toh ha Maharashtra 1327 ngut, Uttar Pradesh 1277 ngut, Andhra Pradesh 990 ngut, Odisha 790 ngut wa ha Delhi 616 ngut.
Waroh kiwa da chait da em ki 83.53% iwa ku naka 83.33% kiwa em 52,73,201 ngut; kiwa dang em ya uni u khñiang da em ki 14.90% iwa hiar naka 15.11% kiwa em 9,40,705 ngut katwa kiwa yap da em ki 1.56% kiwa em 98,678 ngut.
Kiwa chait da tam ki da 43,32,496 ngut ya kiwa dang em ya uni u khñiang iwa ku da 85,112 ngut nadooh ynnin ka sngi.
