La 8 sngi khlem sangeh, kiwa dang yoh COVID-19 ha India da em ki hapoh 50 hajar ngut heiwa ha kini ki 24 kynta kiwa dang yoh da em ki 45,231 ngut, kiwa dang chait da em ki 53,285 ngut, kiwa dang yap da em ki 496 ngut iwa mut wa kiwa dang em ya uni u khñiang da hiar ki da 8,550 ngut katkam ka yukheiñ ka Ministry of Health & Family Welfare.
Deiwa kheiñ won kiwa yoh naka 10 lak ngut ki bru hapoh ka ri, da em ki 5,930 ngut, deiwa kheiñ yonglang ki ri ha pyrthai wa naka 10 lak ngut ki bru kiwa yoh da em ki 5,819 ngut. Ini da booh ko yaka India kam kawa duna bha kiwa yoh na ki ri wa heh lada nujor waka USA kawa em 26,745 ngut kiwa noh naka 10 lak ngut.
Kiwa chait ha India dang pteiñ hi ki wow boon ya kiwa dang yoh ya uni u khñiang heiwa ha kini ki 24 kynta kiwa boon dooh kiwa chait toh ha Kerala 8,511 ngut, Karnataka 8,053 ngut, Delhi 4,159 ngut, West Bengal 4,053 ngut, Maharashtra 3,726 ngut wa ha Andhra Pradesh 3,509 ngut.
Ha kini ki 24 kynta ki jylla wa boon da kiwa chait ya kiwa dang yoh da em ki 26 tylli kiwa boon dooh wa tam ha Karnataka 4,425 ngut, Kerala 1,514 ngut, Tamil Nadu 1,170 ngut, Andhra Pradesh 907 ngut, Telengana 611 ngut, Assam 565 ngut wa ha Bihar 550 ngut.
Waroh kiwa da chait hapoh ka ri da em ki 91.68% iwa ku naka 91.54% kiwa em 75,44,798 ngut; kiwa dang em ya uni u khñiang da em ki 6.83% iwa hiar naka 6.97% kiwa em 5,61,908 ngut; wa 1.49% kiwa yap kiwa em 1,22,607 ngut. Waroh kiwa da dep yoh ya uni u khñiang da em ki 82,29,313 ngut.
Kiwa chait da tam ki da 69,82,890 ngut ya kiwa dang em ya uni u khñiang iwa ku da 61,835 ngut nadooh ynnin ka sngi.
