15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: La 95.99% kiwa da chait ha India, 20 ngut kiwa da yoh ya u khñiang thymme

Advertisement ad1

Kiwa yoh ya u jait khñiang thymme COVID-19 wa mih na UK da em ki waroh 20 ngut ha India hadooh ynne ka sngi hadien wa Test ya 107 tylli ki nongmuna. Kam wow pynkynmoo wa ynnin da chem ya ki 6 ngut kiwa yoh ya uni u khñiang.

Ha kini ki 24 kynta kiwa chait da tam biang ki ya kiwa dang yoh la 33 sngi khlem sangeh heiwa kiwa dang yoh da em ki 20,549 ngut, kiwa dang chait da em ki 26,572 ngut, kiwa dang yap da em ki 286 ngut iwa mut wa kiwa dang em ya uni u khñiang da hiar ki da 6,309 ngut.

78% na kiwa dang chait toh kiwa em ha ki 10 tylli ki jylla kiwa boon dooh ha Maharashtra 5,572 ngut, Kerala 5,029 ngut, Chhattisgarh 1,607 ngut, West Bengal 1,587 ngut, Uttar Pradesh 1,369 ngut, Karnataka 1,344 ngut, Rajasthan 1,149 ngut, Rajasthan 1,149 ngut, Madhya Pradesh 1,122 ngut, Tamil Nadu 1,065 ngut wa ha Gujarat 999 ngut.

79% kiwa dang yoh toh kiwa em ha ki 10 tylli ki jylla kiwa boon dooh ha Kerala 5,887 ngut, Maharashtra 3,018 ngut, West Bengal 1,244 ngut, Chhattisgarh 1,134 ngut, Uttar Pradesh 1,021 ngut, Tamil Nadu 957 ngut, Madhya Pradesh 853 ngut, Gujarat 804 ngut, Delhi 703 ngut wa ha Karnataka 662 ngut.

Waroh kiwa da chait hapoh ka ri da poi ki 95.99% kiwa ku naka 95.92% kiwa em 98,34,141 ngut, kiwa dang em ya uni u khñiang da em ki 2.56% kiwa hiar naka 2.63% kiwa em 2,62,272 ngut, 1.45% kiwa yap kiwa em 1,48,439 ngut, deilang waroh da em 1,02,44,852 ngut kiwa da dep yoh ya uni u khñiang hapoh ka ri.

Kiwa chait da tam ki da 95,71,869 ngut ya kiwa dang em ya uni u khñiang iwa ku da 32,881 ngut nadooh ynnin ka sngi.

Share this:
Previous

Khlawait ka Ri

Next

Tyrwa ka MoHFW wow khang yei wan ki lieñsuiñ na UK hadooh ka 7 tarik