Kiwa yoh COVID-19 ha India da em biang ki 2 lak tam la soo sngi iwa da pynku ya kiwa chah ktah wow tam ki 15 lak ngut deiwa em 2,71,202 ngut (ynnin 2,68,833) kiwa dang yoh, kiwa dang chait 1,38,331 ngut wa 314 ngut kiwa dang yap iwa mut wa kiwa dang chah ktah da ku ki da 1,32,557 ngut.
Ha kini ki 24 kynta da em du ar tylli ki jylla wa boon da kiwa chait kiwa ha Jharkhand wa tam da kiwa chait 100 ngut wa ha Andaman & Nicobar Islands 8 ngut. Katwa ki jylla wa boon wa tam da kiwa dang yoh toh ha Karnataka 28,513 ngut, ha Kerala 13,830 ngut, ha Tamil Nadu 12,990 ngut wa ha Uttar Pradesh 10,708 ngut.
Heiyatoh wa kiwa yoh Omicron da em ki 7,743 ngut iwa ku da 1,702 ngut nadooh ynnin ka sngi iwa man leh iwa boon dooh i ku ha ka chi sngi.
Ynnin da leh 16,65,404 tylli ki Test heiwa kiwa chah ktah da em ki 16.28% kawa tip leh kam ka Positivity Rate kawa da ku naka 16.66% ynnin ka sngi.
Waroh kiwa dang chah ktah da em ki 15,50,377 ngut iwa man 4.18%, kiwa da chait 3,50,85,721 ngut iwa man 94.51%, kiwa yap 4,86,066 ngut kiwa em 1.31%.
Heiyatoh wa i e tika hapoh ka ri, da dep wow e la 1,56,76,15,454 sien heiwa ynnin ka sngi da dep e la 66,21,395 sien.
