Ka Saikhom Mirabai Chanu ka khloor yalehke ka Manipur kawa da yoh ya ka takma rupa ya ka ri India ha ka Tokyo Olympics Games 2020, ynnin ka sngi da chim ko wow man kam ka Additional Superintendent of Police (Sports) hapoh ka Manipur Police Department hei emlang u Montri Rangbah ka Manipur, u N Biren Singh.
Neiliang u Biren da ong u wa Chanu toh i sarong ya ka ri waroh heipor wa emlang u waka hawa chimkti ko yei kaam yong ka ha kamra krehkaam ko.
Ka Chanu ha ka Tokyo Olympics da pynyoh ko ya ka takma wa nyngkong wei da man ko leh ka kynthai wa nyngkong dooh napoh ka ri wow yoh takma rupa ha ka Weightlifting ha ka kyrdan yakob wa 49 Kg. Ka Chanu da ye ko wow kynrong wei wow rah 87 Kg ha ka Snatch wa 115 kg ha ka Clean & Jerk iwa pynpoi 202 Kg iwa da ye ko wow leh yow pynyoh ya ka takma rupa.
Kamtæ neiliang ka jylla Manipur dadep ko leh wow pynbna T. 1 klur wow e cha ka Chanu wa da yoh takma ko ha ka Olympics wei wow e kreh sorkar ya ka.