Ka Ministry of Health & Family Welfare ka sorkar India da pyntip ko wa hadooh 6 waje ynne i miet ka 4 tarik kiwa dang em ya u khñiang COVID-19 (Active Case) da em ki 2784 ngut iwa ku da 134 ngut nadooh ynne i step wa em 2650 ngut.
Kiwa yap da ku 75 ngut naka 68 ngut ynne i step. Kiwa chait da ku 213 ngut naka 184 ngut.
Kiwa dang yap toh uwi ha Gujarat, ha Maharashtra sa 5 ngut wa ha Tamil Nadu sa uwi.
Ka Delhi wa em 445 ngut, ka Maharashtra 490 ngut waka Tamil Nadu 411 ngut toh ki jylla wa da tam 400 ngut kiwa yoh ya u khñiang COVID-19.
Lada kheiñlang waroh nadooh kiwa yoh ya uni u khñiang, kiwa da chait wa kiwa da yap poi 3360 ngut.
Discussion about this post