15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Pynbna ka sorkar Meghalaya yaka tulop waka Arrear kiwa da dep pynlait

0 Comments

Neiliang ka yung krehkaam u montri rangbah ka jylla u Conrad K Sangma da pyntip u wa da pynlait ya ki tulop kamjooh ki Arrear wa sah yong kini ha wah:

Ya ki wakreh Muster Roll, ka chnat Planning & Finance da pynlait poisa ko wa kynthup leh yaki Arrear wa dang sah wei daw su noh ym slem de. Lada em kiwa dang sah toh u pyntip.

Advertisement ad1

Ka tulop yong kiwa sikai LP wa UP Deficit School kamjooh ki RMSA School da pynlait wei da dep su.

Yaka tulop ki wakreh Sericulture wa ki wakreh MeECL, ka Finance Department da pynmih hukum ko Order No.FEG.38/2015/99, dated 31st March, 2020 yow su ya ka tulop ki wakreh ya ki 3 bnai wow wan hanla yaka Post ym pu em ksoh pura iwa waroh ki Departments/Directorates hap ki wow leh.

Yaka Sericulture, ka tulop yong waroh ki wakreh da dep su hadooh u Feb 2020. Ka tulop neibynta u March u pynlait kamwa jooh. Ka Scheme neibynta i nong kiwa thaiñ wa kiwa mylla da dep pynlait wei da dep sai lait noh yaki District Office wa kynthup yaka Jowai, Nongstoin, Garikhana (Shillong) neidaw wa em ka Lockdown kamjooh wa slem u yoh yaka Receipt of Sanctions weiwa thut i krehkaam ka Treasury iwa dang pynbait wei daw pynlait haka tayaw wow wan.

Neibynta ka MeECL da dep su tulop hadooh u Feb 2020. Ya u bnai March da pynlait ynnin ka 3 tarik.

Heiyatoh waka tulop ki wakreh GHADC kawa da sah la 23 bnai itæ nadooh u March 2018, yow yarap yaki, i bhah naka mar pohkhyndaw namo ka Royalty on Major, Minor Minerals waka Motor Vehicles kawa da poi T. 46.57 da dep e kam ka Advance Payment daka GHADC. Heiyatoh won waka JHADC, ka tulop wa da sah la 6 bnai, da pynlait T. 3 klur lyngba ka Forests & Environment Department cha ka JHADC haka 31st March, 2020.

Ka sorkar da pyntip ko wa heiyatoh wa ki skur ki bru samen da pynmih hukum lyngba ka Notification No. LBG.39/2014/646, dated 23rd March, 2020 cha ki Employers/Owners of Public/Private Establishments wow pyntikna wym toh u beh kreh kamjooh u pyndooh tulop ki hanla ym em yoh u wai kreh neidaw u COVID-19, waroh ki wakreh toh u kheiñ wa wan kreh hi ki yow lait ki u duna poisa ha kam kini ki por.

Heiyatoh waki sula yada kiwa tip kam ki PPE neibynta ki pulit, da pynlait T. 23.46 lakh yow thied 6000 tylli ki Surgical Face Masks N-95, Sanitizers waki Gloves.

Ka Honorarium waka Arrear ki wakreh Anganwadi neibynta u bnai April da dep su lut neibynta u snem mang poisa (Financial Year) 2019-2020. Kawa sah won kawa toh u su daka jylla (100% State Share) da dep su 2 bnai katwa ya ki 10 bnai wa dang sah dang pynkhreh kattæ.

Ka bhah (Commission) ki dukan rachon (Fair Price Shop) wa sah la 5 snem dang yang yaka yutip wa bniah. Da pyntip wa kani ka Commission toh kawa jooh chimpor chi snem. Iwa toh u su, da dep e hadooh u snem mang poisa 2018-19. I su neibynta u snem 2019-20 daw pynlait noh ym slem de. I dawa wow pynheh yaka Commission ki dukan FPS toh kawa dang sah waka sorkar India.

Previous
Next

0 Comments

Leave a Reply