Kiwa dang yoh COVID-19 ha India ha kini ki 24 kynta da em ki 20,035 ngut, kiwa dang chait da em ki 23,181 ngut, kiwa dang yap 256 ngut iwa mut wa kiwa dang em ya uni u khñiang da hiar ki da 3,402 ngut iwa da pynpoi leh ya waroh kiwa dang em ya uni u khñiang wow em ki 2.54 lak ngut iwa duna dooh ki hadien 179 sngi kiwa em 2.53 lak ngut haka 06-07-20.
I duna kiwa dang chah ktah toh neidaw wa pteiñ u boon kiwa chait ya kiwa dang yoh hapoh ka ri la 35 sngi khlem sangeh heiwa ha kini ki 24 kynta, 78% kiwa dang chait toh kiwa em ha ki 10 tylli ki jylla kiwa boon dooh ha Kerala 5,376 ngut, Maharashtra 3,612 ngut, West Bengal 1,537 ngut, Chhattisgarh 1,518 ngut, Karnataka 1,282 ngut, Tamil Nadu 1,038 ngut, Rajasthan 957 ngut, Gujarat 916 ngut, Delhi 888 ngut wa ha Madhya Pradesh 866 ngut.
80% na kiwa dang yoh toh kiwa em ha ki 10 tylli ki jylla kiwa boon dooh ha Kerala 5,315 ngut, Maharashtra 3,509 ngut, West Bengal 1,170 ngut, Chhattisgarh 1,035 ngut, Karnataka 952 ngut, Tamil Nadu 937 ngut, Uttar Pradesh 936 ngut, Madhya Pradesh 844 ngut, Gujarat 780 ngut wa ha Rajasthan 689 ngut.
Kiwa dang yap ha kini ki 7 sngi da em ki hapoh 300 ngut man-ka-sngi wei na waroh kiwa da dep yap hapoh ka ri, 63% toh kiwa em ha ki 5 tylli ki jylla kiwa boon dooh ha Maharashtra (49,521), Tamil Nadu (12,122), Karnataka (12,090), Andhra Pradesh (10,536), Delhi (9,712) katwa ki 55,013 ngut kiwa dang sah toh ha kiwi ki jylla.
Kiwa da chait hapoh ka ri da ku ki cha ka 96.08% naka 96.04% kiwa em 98,83,461 ngut; kiwa dang em ya uni u khñiang da em ki 2.47% kiwa hiar naka 2.51% kiwa em 2,54,254 ngut; 1.45% kiwa yap kiwa em 1,48,994 ngut, deilang waroh da em 1,02,86,709 ngut kiwa da dep yoh ya uni u khñiang hapoh ka ri.
Kiwa chait da tam ki da 96,29,207 ngut ya kiwa dang em ya uni u khñiang iwa ku da 26,583 ngut nadooh ynnin ka sngi.
