Ki chipai ka 28 Bn BSF deilang wa ki pulit ka Zikzak, South West Garo Hills ynnin ka sngi da lai tympra ki ya i thaw rep bhang wa heh palat chiteiñ Acre deiwa thang ya ini i thaw rep bhang heiwa sakhi lang kiwa chong chnong.
Ini i thaw toh iwa em ha chnong Bhoiragopi, South West Garo Hills, heiwa uni u bhang toh uwa da ih wei da toh por wow khait noh ya oo uwa da rep ha i thaw yong u Mohiran Hajong (35 snem) uwa chong chnong ka Bhoiragopi.
Ka BSF da pyntip ko wa u pteiñ ko pait ya kam kini ki kaam wei u pynchitom hapoh ka aiñ NDPS Act kamjooh wow sonteri ya u khappood ka Indo-Bangladesh yow khang leh yei khayi ya ki jait dih pynmuaid wa kiwi ki jait mar.
Ha kawi won ka khubor, ka E Company 30BN BSF BOP Pyrdiwah da yoh ki wow kem ya ki dawai pynmiat sniehdoh namo ki Cosmetics wa chongdor T. 26,27,400 haka 30 tarik u bnai wa dep.
