Kiwa yoh COVID-19 ha India da pteiñ ki wow duna wei da neh ki hapoh 10,000 ngut la arsngi iwa da pynhiar leh ya kiwa dang chah ktah wow em ki hapoh 1 lak ngut nadooh wa sdang uni u bnai.
Kiwa dang yoh ha kini ki 24 kynta da em ki 7,554 ngut, kiwa chait 14,123 ngut wa 223 ngut kiwa yap iwa mut wa kiwa dang chah ktah da hiar ki da 6,792 ngut.
Ynnin ka sngi da em du kawi ka jylla wa boon da kiwa dang yoh ya kiwa chait, itæ ha Uttarakhand wa tam kiwa dang yoh da 9 ngut.
Kiwa dang chah ktah kiwa boon dooh toh ha Kerala 25,715 ngut, Maharashtra 10,106 ngut, Mizoram 6421, Tamil Nadu 5066, Karnataka 4885 ngut wa ha Rajasthan 4096.
Ynnin ka sngi da leh 7,84,059 tylli ki Test heiwa kiwa yoh da em ki 0.96% kawa tip leh kam ka Positivity Rate.
Heiyatoh wa i e tika hapoh ka ri, da dep wow e la 1,77,79,92,977 sien heiwa ynnin ka sngi da e 8,55,862 sien.
Waroh kiwa dang chah ktah da em ki 85,680 ngut iwa mut 0.20%, kiwa da chait 4,23,38,673 ngut kiwa em 98.60%, kiwa yap 5,14,246 ngut iwa wa mut da em ki 1.20%.
