Ki pulit ka South Garo Hills ynnin ka 28 tarik heipor kamwa 11:00 waje i step hadien wa yoh yutip deiwa tikna wa daw em kiwa dai drugs kiwa daw lai e yei mar cha u bru wa em ha thaaiñ Malikona, Baghmara kiwa da thmu wow dai won cha Bangladesh.
Kamtæ da kem chwa ya uwi uwa suba toh uwa dai drugs uwa tip kam u Merazul Hoque da ki pulit ka ANTF ha Malikona hi wei hawa takit ya uni, da yah u ki cha i yung uwi u bru wa tip kam u Babu Das heiwa na uni da yoh ya kawi ka yusong wa em 98 tylli ki klong dawai Phensedyl iwa da khang wow dai.
Hadien wa takit ya kawi ka kynthai kawa tip Usha Das kawa emlang ha ini i yung da ka pulit kynthai, da yah ko ya ki cha i thaw wa noh yeiwa suba toh i drugs pynhadien yung ko. Wei manda chem ya ini wa da song hapoh ka yusong Plastic da em 6 tylli ki yusong Plastic kiwa em ya i dawai kuli WY/Yaba/Methaphetamine kiwa em 1125 tylli kiwa khia 109 Gram.
